თუ თავგადასავლები და ახალი შეგრძნებები მოგენატრათ, ზურგჩანთაც უკვე ჩაალაგეთ და მზად ხართ აჭარის მთების შესაცნობად, ჩვენ დაგეხმარებით სასურველი მარშრუტის არჩევასა და დაგეგმვაში. ამ ბარაქიან მხარეში ყველანაირი გემოვნებისა და ინტერესის ტურისტი იპოვის თავისთვის სასურველ მიმართულებას, იქნება ეს სათავგადასავლო-ალპურ ზონაში, კულინარიული, კულტურულ-ისტორიული თუ ღვინის გზა. ულამაზეს ხედებს, სუფთა ჰაერსა და გულითად მასპინძელს კი ყველა მარშრუტზე გპირდებით.