სოფელი ნიგაზეული შუახევის მუნიციპალიტეტში, ბათუმიდან 80კმ-ში, ზღვის დონიდან 560 - 1 100 მეტრის სიმაღლეზე, ბათუმი-ახალციხის საავტომობილო გზაზე მდებარეობს. ნიგაზეული -მთიანი აჭარის მდიდარი ისტორიული წარსულის მოწმე, აჭარის მმართველთა, თავად ხიმშიაშვილთა საგვარეულო სოფელია, სადაც სელიმ ხიმშიაშვილის ციხე- გალავანი, მუზეუმი და საფლავი ინახება (წყანიშურის უბანში).
ნიგაზეულის ციხე - XVIII ს-ის დასაწყისში ააგო ეროვნულმა გმირმა -სელიმ ხიმშიაშვილმა. იგი ზღვის დონიდან 800 მ. სიმაღლეზე, ქუფთაღელის სერზე მდებარეობს, რომელსაც სხვანაირად ნაბეგვარსაც ეძახიან. ციხე გალავანის ფართობი 4000 მ.კვ.-ია.
3 ივნისს ნიგაზეულში სახალხო დღესასწაული ,,სელიმობა“ აღინიშნება.
რა ვნახოთ:
სელიმ ხიმშიაშვილის მუზეუმი;
ნიგაზეულის ციხე-გალავანი;
სელიმ ხიმშიაშვილის საფლავი;
როგორ მოვხვდეთ :
მიკროავტობუსი ბათუმი - ნიგაზეული, ყოველდღე - 15:00; 16:00; 18:00. ფასი 5 ლარი. მის: ბათუმის ძველი ავტოსადგური, (მაიაკოვსკის ქ. №1);
ნებისმიერი ტრანსპორტი ხულოს მიმართულებით, სოფელ ზამლეთის ცენტრამდე. იქიდან კი ფეხით 5 კმ. სოფელ ნიგაზეულამდე.
ტაქსი;