მარეთობა

,,მარეთობა" ტრადიციული დღესასწაულია, რომელიც ყოველწლიურად 7 მაისს, შუახევის მუნიციპალიტეტში, სოფელ ოლადაურში, წმინდა გიორგის სახელობის ეკლესიის მიმდებარე ტერიტორიაზე იმართება. დღესასწაულის დაფუძნება სწორედ 2005 წელს, ამ ეკლესიის აგებას უკავშირდება. აღსანიშნავია, რომ ,,მარეთობა"-ს მუდამ წინ უძღვის მასობრივი ნათლობა.

რელიგიური რიტუალის შემდეგ, ეწყობა სახალხო ზეიმი, სადაც იმართება ტრადიციული ხალხური თამაშები და კულტურული ღონისძიებები ადგილობრივი ფოლკლორული და ქორეოგრაფიული ანსამბლების მონაწილეობით. ღონისძიების ფარგლებში ირჩევენ საპატიო მარეთელს და სხვადასხვა ნომინაციებში გამარჯვებულებს აჯილდოვებენ დიპლომებითა და სიმბოლური საჩუქრებით.

მარეთის ხეობა მდინარე ჩირუხისწყლისა და  მისი შენაკადის- ტბეთისწყლის  ტერიტორიებზე მდებარეობს და ოთხ თემსა და ოცდახუთამდე  სოფელს მოიცავს. დღესასწაულზე დასწრების მსურველებს გზად შეუძლიათ მოინახულონ ოქროპილაურის ციხე, დარჩიძეების ციხე და ჩირუხის მთა.

ჩატარების თარიღი: 7 მაისი

ჩატარების ადგილი: შუახევის მუნიციპალიტეტი, მარეთის ხეობა